(+99871) 202-50-60

Прививки.уз - Олдини олиш. Ҳимоя қилиш. Эмлаш.

  • Асосий
  • Янгиликлар
  • Бачадон бўйни саратонининг олдини олиш ва Ўзбекистонда ВПЧ вакцинасини жорий этиш

Бачадон бўйни саратонининг олдини олиш ва Ўзбекистонда ВПЧ вакцинасини жорий этиш

Гинеколог, ҳамда она ва буви сифатида Карабаева Нигоранинг ВПЧ вакцинаси билан боғлиқ тажрибаси ҳақида шундай дейди: "Биз ушбу вакцинани эмлатиш бўйича қарорни онгли равишда қабул қилдик, чунки мен аёлларнинг саломатлик марказида ишлаганман ва биз ҳам бундай беморлани (саратондан олдинги ҳолатида ва бачадон бўйни саратони билан) ҳар куни кўрганмиз. Шунинг учун мен бачадон бўйни саратонини бартараф қилиш бугунги кунда ҳақиқат эканлигидан жуда хурсандман». (қуйида тўлиқ видеога қаранг)

2019 йил октябрь ойида инсон папилломавируси (ВПЧ) вакцинасининг биринчи дозаси мактаб ва тиббиёт муассасаларида 9 ёшли қизларга эмланади. ВПЧ - бу саратон ва бошқа касалликларнинг бир нечта турларини келтириб чиқарадиган вируслар гуруҳидир. Бачадон бўйни саратони бутун дунё бўйлаб аёллар ўлимига олиб келадиган, ВПЧ келтириб чиқарадиган энг кенг тарқалган саратон тури. ВПЧ га қарши эмлаш ва скрининги бачадон бўйни саратонининг олдини олиш учун тасдиқланган ва самарали чоралардир.

Бачадон бўйни саратони аёллар саломатлигига энг жиддий таҳдидлардан биридир. Ўзбекистонда бачадон бўйни саратони ҳар қандай ёшдаги аёллар орасида кўкрак саратонидан кейин иккинчи ўринда туради ва туғиш ёшидаги (15-44 ёш) аёллар учун кўкрак саратонидан кейин ўлимга олиб келувчи сабаблар орасида иккинчи ўринни эгаллайди. ЖССТнинг ҳисоб-китобларига кўра, ҳар йили Ўзбекистонда 1660 аёлда бачадон бўйни саратони пайдо бўлади. Шундай қилиб, папиллома вируси билан боғлиқ касалликларнинг асорати каттадир.

Айни пайтда Соғлиқни сақлаш вазирлиги ЖССТ ва ЮНИСEФ кўмагида ВПЧ вакцинасини жорий этишга кенг тайёргарлик ишларини олиб бормоқда. Йил давомида бачадон бўйни саратонининг олдини олиш ва даволаш соҳасидаги халқаро ва миллий экспертлар иштирокида илмий-амалий конференция, вакцинани жорий этиш бўйича муваффақиятли тажрибани ўрганиш учун ваколатли давлат делегациясининг Молдова Республикасига ташрифи, вакциналарни сақлаш учун музлатгичли омборлар қуриш каби бир қатор тадбирлар ташкил этилди. 2019 йил 27 августдан 20-октабргача республика бўйича тиббиёт мутахассислари, ўқитувчилар ва тиббиёт ходимлари учун бир қатор семинарлар ташкил этилди.

Жамиятнинг хабардорлиги масаласи ҳам вакциналарни жорий этишнинг муҳим қисмидир. Шу мақсадда маълумот материаллари ва видеоклиплар тайёрланди. Биз ушбу мақолани қўшимча материаллар ва маълумотлар билан янгилаб борамиз, шунинг учун янгиланган маълумотларни кузатиб боринг ва фақат расмий манбалардан олинган маълумотларга ишонинг!

Иловалар:

Рўйҳатга қайтиш